Related Posts
Category : Sports
લોર્ડ્સમાં જસપ્રીત બુમરાહ ના તરખાટે રચ્યો ઈતિહાસ, કપિલ દેવનો રેકોર્ડ તોડ્યો
IND vs ENG: ઇંગ્લેન્ડ વિરૂદ્ધ લોર્ડ્સ ટેસ્ટ મેચમાં ભારતીય ફાસ્ટ બોલર જસપ્રીત બુમરાહે જબરદસ્ત પ્રદર્શન કરી ને મચાવ્યો જોરદાર તરખાટ . બુમરાહે ઇંગ્લેન્ડની પહેલી ઇનિંગમાં 23 ઓવર્સના બોલરમાં 74 રન આપ્યા અને પાંચ વિકેટ ઝડપી. બુમરાહે હૈરી બ્રૂક, જો રૂટ, બેન સ્ટોક્સ અને જોફ્રા આર્ચરને બોલ્ડ કર્યા. ત્યારે ક્રિસ વોક્સને તેમણે વિકેટની પાછળ કેચ આઉટ કરાવ્યા. બુમરાહની શાનદાર બોલિંગના કારણે ઇંગ્લેન્ડની પહેલી ઇનિંગ 387 રન પર સમેટાઈ ગઈ.
જસપ્રીત બુમરાહે લોર્ડ્સના મેદાન પર પહેલીવાર ટેસ્ટ ઇનિંગમાં પાંચ વિકેટ ઝડપી છે. બુમરાહનું નામે હવે પરંપરા અનુસાર, લોર્ડ્સના ઓનર્સ બોર્ડ પર નોંધાઈ ચૂક્યું છે. જસપ્રીત બુમરાહ હવે વિદેશમાં સૌથી વધુ પાંચ વિકેટ હોલ લેનારા ભારતીય બોલર બની ગયા છે. બુમરાહે 13મી વખત વિદેશમાં ટેસ્ટ ઇનિંગમાં પાંચ અથવા તેનાથી વધુ વિકેટ ઝડપી છે. બુમરાહે પૂર્વ કેપ્ટન કપિલ દેવને પાછળ છોડી દીધો છે, જેમણે 12 વખત આ સિદ્ધિ હાંસલ કરી હતી. ઈશાંત શર્મ (9 વખત) આ મામલે ત્રીજા સ્થાન પર છે.
વિદેશમાં સૌથી વધુ પાંચ વિકેટ હોલ (ભારતીય બોલર)
13 – જસપ્રીત બુમરાહ (35* ટેસ્ટ)
12 – કપિલ દેવ (66 ટેસ્ટ)
9 – ઈશાંત શર્મ (63 ટેસ્ટ)
8 – ઝહીર ખાન (54 ટેસ્ટ)
7 – ઇરફાન પઠાણ (15 ટેસ્ટ)
જસપ્રીત બુમરાહે SENA (સાઉથ આફ્રીકા, ઇંગ્લેન્ડ, ન્યૂઝીલેન્ડ અને ઓસ્ટ્રેલિયા) દેશોમાં 11મી વખત ટેસ્ટ ક્રિકેટમાં 5 વિકેટ હોલ લીધા છે. એશિયન બોલર SENA કંટ્રીઝમાં ટેસ્ટ ક્રિકેટમાં સૌથી વધુ પાંચ વિકેટ હોલ લેવા મામલે બુમરાહ હવે સંયુક્ત રીતે પહેલા નંબર પર આવી ચૂક્યા છે. બુમરાહે પાકિસ્તાનના પૂર્વ કેપ્ટન વસીમ અકરમની બરાબરી કરી લીધી છે. અકરમ પણ SENA દેશોમાં 11 વખત ટેસ્ટ ઇનિંગમાં પાંચ અને તેનાથી વધુ વિકેટ ઝડપી હતી. શ્રીલંકાના મુથૈયા મુરલીધરન પાંચ વિકેટ હોલની સાથે આ મામલે ત્રીજા નંબર પર છે.
Load more
